Ná Orohatdoaimmahat gieđahallá persovdnadieđuid

Dás sáhtát lohkat got Orohatdoaimmahat gieđahallá iežas ovddasvástádusa gieđahallat persovdnadieđuid GDPR:a jelgii.

Orohatdoaimmahat lea persovdnadiehtoovddasvástideaddji.

Orohatdoaimmahagas lea persovdnadiehtoovddasvástideaddji gieđahallamis mii dáhpáhuvvá eiseválddi doaimma siskkobealde.  

Mii ávki lea?

Orohatdoaimmahat gieđahallá persovdnadieđuid vai sáhttá olahahttit eiseválddi áigumuša ja ulbmila. Gieđahallan dáhpáhuvvá ovdamearkka dihte vai sáhttá gieđahallat prošeavttaid ja áššiid, doalahit gulahallama dainna guhte lea jearran dahje čađahit eiseváldedoaimma.

Almmolašprinsihppa

Orohatdoaimmahat, stáhtalaš eiseváldin, siskkilduvvo almmolašvuođaprinsihpas. Dat oaivvilda ahte almmolašvuođas lea vuoigatvuohta váldit oasi eiseválddi almmolaš áššebáhpiriin. Almmolaš áššebábir sáhttá ovdamearkka dihte leat e-boasttadiehtu, reive dahje dokumeanta mii lea boahtán dahje ásahuvvon Orohatdoaimmahagas.

Ollu daid áššebáhpiriin mat leat boahtá dahje ásahuvvojit Orohatdoaimmahagas šaddet almmolaš áššebáhpirat ja galge vuorkálága njuolggadusaid jelgii vurkejuvvot. Muhtin áššiin gávdno mearrádus sihkkumis, mii mearkkaša ahte áššebábir dušše vurkejuvvo mearriduvvon áiggi.

Go áššebábir gáibiduvvo olggos de Orohatdoaimmahat dahká geahččaleami jus dieđut galge addojuvvot, dahje jus gullojit čiegusindoallamii almmolašvuođa- ja čiegusindoallanlága jelgii. Lea vuđolaš vuoigatvuohta almmolašvuođaprinsihpa jelgii gáibidit olggos almmolaš áššebáhpiriid. Orohatdoaimmahat ii oačču jearrat gii gáibida olggos dahje masa galgá geavahuvvot.

Almmolaš áššebáhpirat sáhttet sisdoallat persovdnadieđuid. Jus gávdnojit persovdnadieđut almmolaš áššebáhpiris de sáhttet addot olggos, jus dieđut eai gullo čiegusindoallamii.

Makkár dieđuid gieđahallet?

Persovdnadieđuid maid Orohatdoaimmahat gieđahallá sáhttá leat čujuhus, govva olbmos, diarienummar, e-boasttačujuhus, opmodatdovddaldat, riegádandáhton, ruovttobáiki, mobiilanummar, namma dahje persovdnanummar ja maid iežá dieđut mat leat dárbbašlaččat dan erenoamáš bargogohččumii dahje áššái. Persovdnadieđut maid Orohatdoaimmahat gieđahallá boahtá dávjá njuolga das gii lea registrerejuvvon dahje iežá doaimmaheddjiin.

Makkár lea riektelaš vuođđu?

Orohatdoaimmahat gieđahallá persovdnadieđuid doarjagiid unnimusat ovtta riektelaš vuođuin artihkal 6 GDPR jelgii. Dábáleamos vuođđu lea ahte gieđahallan lea dárbbašlaš čađahit barggu almmolaš beroštumiin dahje dego lávki Orohatdoaimmahaga eiseváldedoaimmas. Muhtimiin gieđahallan čađahuvvo riektelaš geatnegasvuođa dihte. Muhtin áššin gieđahallama vuođđu lea soahpamuš dahje miehtan das gii lea registrerejuvvon.

Man guhká dieđut vurkejuvvojit?

Persovdnadieđut vurkejuvvojit dušše nu guhká go lea dárbu vai olaha áigumuša gieđahallamiin, GDPR:a jelgii. Seammás Orohatdoaimmahat ferte, stáhtalaš eiseváldin, čuovvut áššáigullevaš lágaid nugo vuorkálága. Dát mearkkaša ahte muhtin persovdnadieđut fertejit vurkejuvvot, maid maŋŋil go áigumuš gieđahallamiin lea olahuvvon. Dan maŋŋil ožžo dušše sihkkut dieđuid, go eai šat leat dárbbašlaččat, jus gávdno sierra mearrádus dan birra.

Lea go gieđahallan sihkkar?

Orohatdoaimmahat suddje persovdnadieđuid heivvolaš organisašuvnnalaš ja teknihkalaš sihkkarvuođadoaimmaid bokte.

Orohatdoaimmahagas leat dušše olbmot dohkálašvuođain - vai galget sáhttit čađahit iežas bargguid - geain leat beassan persovdnadieđuide. Dieđut gieđahallojit Orohatdoaimmahaga siskkáldas it-vuogádagas. Lassin gieđahallot muhtimiin persovdnadieđut maid min olgguldas lágideaddjis, mat siskkildit vejolaš vuollevehkiid, mat sihkkarastet ahte gávdno dohkálaš suodjedássi.

Dáhpáhuvvá go goalmmátriikasirdin?

Váldooassái Orohatdoaimmahat gieđahallá persovdnadieđuid dušše EU/EES siskkobealde. Dalle go goalmmátriikasirdin dáhpáhuvvá dahkkojit dárbbašlaš suodjedoaibmabijut dáidda.

Makkár iežát besset váldit oasi dieđuid?

Almmolašvuođaprinsihpa jelgii Orohatdoaimmahat sáhttá guođđit olggos persovdnadieđuid, dasa guhte gáibida oažžut almmolaš áššebáhpira.

Muhtin gieđahallamiin Orohatdoaimmahat guođđá maid olggos persovdnadieđuid, ovdamearkka dihte iežá eiseválddiide, gielddaide ja organisašuvnnaide.

Makkár vuoigatvuođat leat das gii lea registrerejuvvon?

Dát lea registrerejuvvon vuoigatvuođat (iežas persovdnadieđuide) GDPR:a jelgii:

• Oažžut dieđu - sierra oktavuođain sierra ládje - got persovdnadieđut gieđahallojuvvot.
• Gáibidit dieđu makkár persovdnadieđut mat gieđahallojuvvot (registeroassi).
• Gáibidit ahte boastut persovdnadieđut njulgejuvvojit.
• Gáibidit ahte persovdnadieđut sihkkojuvvojit.
• Gáibidit ahte gieđahallan persovdnadieđuin ráddjeduvvo.
• Moaitit gieđahallama persovdnadieđuin.
• Gáibidit ahte persovdnadieđut sirdojuvvojit (dataportabilitehta).
• Váidalit, jus dat gii lea registrerejuvvon oaivvilda ahte Orohatdoaimmahaga gieđahallan persovdnadieđuin lea GDPR:a vuostá. Dát dahkko ruoŧa bearráigeahččaneiseválddi ruovttosiiddus gos gávdno eanet diehtu.

Integritehtaeiseválddi ruovttosiidu

Oktavuođadieđut

Jus dus leat jearaldagat dahje oainnut Orohatdoaimmahaga gieđahallamis du persovdnadieđuin - dahje háliidat doaimmahit iežat vuoigatvuođaid GDPR:a jelgii - don sáhtát váldit oktavuođa Orohatdoaimmahagain dahje Orohatdoaimmahaga dihtorsuodjalusáittardeddjiin e-boastta bokte.