Adžahar o Zavod stambeno pučibaske rukovodinela o lično informacie

Akate šaj te dodžanen sar o Zavod stambeno pučibaske rukovodinela pli odgovornost bašo razmatribe lično informacie prema o GDPR.

O Zavod stambeno pučibaske tano odogovorno lično informacienge

O Zavod stambeno pučibaske tano odgovorno razmatribaske o lično informacie so kerenape ki ramka prema organ upravengoro delatnoskoro than.

Kova tano o cili?

O Zavod stambeno pučibaske razmatrinela o lično informacie či te pherel e organ upravengiri namera hem cili. O razmatribe izvršinelape či, ko misal, te rukovodinenpe projektia hem predmetia, te ovelpe komunikacia odolencar so pučena ja uzvšinena e organ upravengiri vlast.

Sarinipaskoro principi

Zavod bašo stambeno pučibe, sar državno organ uprava, astarelape taro sarinipaskoro principi. Odova značinela so e narodo isi hako te učestvuinen ko organ upravengere javno dokumentia. Jekh javno dokumneti šaj te ovel, ko misal, e-poštakoro haberi, lil ja dokumenti so reslja ja uspostavindžape taro o Zavod stambeno pučibaske.

Pobut dokumentia so resena ja so uspostavinenape taro Zavod stembeno pučibaske, ovena javno dokumentia hem so prema e arhivakoro kanuni ka arakhenpe. Ko disave slučaevia isi odluke bašo proredibe, so značini o dokumentia ka arakhenpe telo disavo vakti.

Keda rodelape jekh dokumenti, o Zavod stambeno pučibaske kjerela razmatribe te o informacie astarenape taro garavibe prema o sarinipaskoro - hem garavdipaskoro kanuni. Odova tano hemosnovno hako prema sarinipaskoro principi te rodenpe opšto dokumentia. O Zavod stambeno pučibaske na sminela te pučel koj rodela o dokumentia ja soske ka koristinenpe.

Javno dokumentia šaj te saikeren lično informacie. Te isi jekh lično informacia ko jekh javno dokumenti, šaj odoleske ka delpe, te o informacie na astarenape taro garavdipe.

Save informacie razmatrinenape?

O lično informacie, so o Zavod stambeno pučibaske razmatrinela, šaj te oven adresa, e manušeskiri slika, predmeteskoro gendo, e-poštakiri adresa, e khereskoro naziv, bijandutno datum, mobileskoro gendo, anav ja matično gendo hem avera informacie soj tane potrebno disave specifično nalogoske ja predmeteske. O lično informacie so razmatrinenape taro Zavod stembeno pučibaske, butfar avena direktno taro o registririmo ja taro avera akteria.

Koja tani i pravno osnova?

O Zavod stambeno pučibaske razmatrinela lično informacie e potporaja tari hemhari jekh osnova prema o artiklo 6 GDPR. Hemosnovno temeli tano so o razmatribe tano potrebno izvršibaske jekh zadača taro opšto interesia ja sar jekh kotor ko organ upravengoro izvršibe i vlast. Disavo far o razmatribe osnovinelape prema pravno obaveze.. Ko disave slučaevia o razmatribe temelinelape ko jekh ugovor ja soglasnost e registririmea.

Kobor vakti arakhenape o informacie?

O lično informacie arakhenape sade kobor ka valjanel či te pherelpe e razmatribaskoro cili, prema GDPR. Istovakteskoro, o Zavod stambeno pučibaske mora, sar jekh državno organ uprava, te sledinel o relevantikano švedikano kanunidejbe hem arhivakoro kanuni. Akava značinela so disave lično informacie mora te arhivinenpe, iako o cili e razmatribaja tano pherdo. O informacie, palo odova sade ka proredinenpe (brišinenpe), keda nae više potrebno, te sine posebno odluka odoleske.

Dali o razmatribe tano sigurno?

O Zavod stambeno pučibaske zaštitinela o lično informacie prekal pogodno organiziribaskere hem tehnikane mere obezbedibaske.

Ko Zavod stambeno pučibaske isi sade manuša nadležnostea – či te izvršinen ple bučakere zadače – kas isi pristup ko lično informacie. O zadače razmatrinenape ko Zavod stambeno pučibaskoro interno it-sistemi. Ponodori, o lično informacie razmatrinenape hem taro amare eksternikane isporuvačia, so isto astarena eventualnikane telopomočnikia, so bezbedinena te ovel jekh adekvatnikano nivo zaštitibaske. 

Dali isi transfer ki trito phuv?

Sar šerutno, o Zavod stambeno pučibaske razmatrinela o lično informacie sade ko EU/EES.  Ko odola slučaevia keda jekh transferi ovela ki trito phuv, lenape odoleske neophodno zaštitibaskere mere.

Koj aver šaj te pristupinel taro lično informacie?

Prema e sarinipaskoro principi o Zavod stambeno pučibaske šaj te predainel lično informacie, okoleske so rodela jekh asavko dokumenti.

Pri odredimo razmatribe, isto o Zavod stambeno pučibaske šaj te del lično informacie, ko misal avere organ upravenge, opštinenge hem organizacienge.

Save hakia isi e registririme?

Akala tane e registririmeskere hakia (ple lično informacienge) prema GDPR:

• Dobiba informacia – ko razno konteksti ko razno čania – sar rukovodinenape o lično informacie.
• Zahtevi informacienge bašo save lično informacie razmatrinenape (izvod taro registar).
• Zahtevi te popravinenpe pogrešno lično informacie.
• Zahtevi te brišinenpe o lično informacie.
• Zahtevi o lično informaciengoro razmatribe te ograničinelpe.
• Prigovor protiv razmatribe o lično informacie.
• Zahtevi o lično informacie te oven prenesime (informaciengoro prenesibe).
• Dejbe žalba, te o registririmo smatrinela so e lično informaciengoro razmatribe taro Zavod stambeno pučibaske tano sprotivno e GDPR:a. Akava kerelape ko veb sajt ko švedikano nadzorno organ uprava kote ka arakhe detalno informacie. 

Veb sajt Organ uprava zaštitibaske o integriteti

Kontaktiribaskere informacie

Te sine diso pučibaske ja komentaria bašo e lično informaciengoro razmatribe ko Zavod stambeno pučibaske, ja mangea te utičine ko tle hakia prema GDPR - šaj te kontaktirine e Zavode stambeno pučibaske ja e zastupniko ko Zavod stambeno pučibaske, prekal e-pošta.