Näin Asuntohallinto/Boverket hantteeraa henkilötietoja

Täälä sie saatat lukea kunka Asuntohallinto hantteeraa heän vastuutta henkilötioitten käsittelystä GDPR:in mukhaan.

Asuntohallinto oon henkilötietovastuulinen

Asuntohallinto oon henkilötietovastuulinen siittä käsittelystä jotako tehhään viraston toiminan raamin sisälä.

Mikäs oon tarkotus?

Asuntohallinto käsittellee henkilötietoja ette saattaa tyytyttää viraston tarkotusta ja päämäärää. Käsittelyä tehhään esimerkiksi ette hantteerata projektia ja asioita, hoitaa komyniseeraamista sen kansa joka oon kysyny jotaki elikkä ette tehhä virastontehtävvää.

Julkisuusprinsiippi

Asuntohallinto kuulu, valtiolisenna virastonna, julkisuusuprinsiiphiin. Se tarkottaa ette ylheisöllä oon oikeus ottaa ossaa viraston ylheisistä asiakirjoista. Ylheinen asiakirja saattaa esimerkiksi olla e-posti-ilmotuksia, preiviä elikkä tokymenttiä jokka oon tulheet sisäle elikkä joitako Asuntohallinto oon valmistannu.

Monet niistä asiakirjoista jokka tulevat sisäle elikkä oon valmistettu Asuntohallinolta tulevat ylheisiksi asiakirjoiksi ja niitä pittää arkiivilain säänöitten mukhaan säästää. Vississä taphauksissa oon päätös kalrauksesta ja se tarkottaa ette asiakirjoja säästethään vain vissin aikaa.

Ko yhtä asiakirjaa vaaithaan ulos Asuntohallinto tarkastaa jos tietoja mennee antaa ulos, elikkä jos net kuuluvat sekreteshiin julkisuus- ja sekretessilain mukhaan. Se oon perustheelinen oikeus julkisuusprinsiipin mukhaan ette vaatia ylheisiä asiakirjoja. Asuntohallinto ei saa kysyä kuka asiakirjoja vaatii ulos elikkä mihinkä niitä käytethään.

Ylheiset asiakirjat saattavat sisältää henkilötietoja. Jos asiakirja ylheisessä asiakirjassa oon henkilötietoja sitä saatethaan jättää ulos, jos tiot ei kuulu sekreteshiin.

Mitäs tietoja käsitelhään?

Henkilötiot jokka Asuntohallinto käsittellee saattavat olla osote, kuva henkilöstä, tiarienumero, e-postiosote, fastiheettinimitys, syntymätaatumi, kotipaikka, mupilinumero, nimi elikkä henkilönumero ja muut tiot jokka oon tarpheeliset erityisele tehtävälle elikkä asialle. Henkilötiot jokka Asuntohallinto käsittellee tulevat useasti suohraan rekistreeratulta elikkä muilta aktööriltä.

Mikäs oon se oikeuelinen perusta?

Asuntohallinto käsittellee henkilötietoja vähhinthääns yhen oikeuelisen perustan tuela artikkeli 6 mukhaan GDPR:issä. Tavalisiin perusta oon ette käsittely oon välttämätöntä ylheisen intressin tehtävän suorittamisheen elikkä osana Asuntohallinon virastotekemisestä. Joskus käsittelyä tehhään oikeuelisen velvolisuuen perustheela. Vississä taphauksissa käsittelyllä oon perusta sopimuksessa elikkä suostumisessa rekistreeratun kansa.

Kunkas pitkhään tietoja säästethään?

Henkilötietoja säästethään vain niin pitkhään ko oon tarve ette tyytyttää käsittelyn tarkotusta, GDPR:in mukhaan. Samala Asuntohallinto, valtiolisenna virastonna, häätyy seurata relevanttia ruottalsista lakisäätäntöä niinku arkiivilakia. Tämä tarkottaa ette vissiä henkilötietoja häätyy arkiveerata, sen jälkhiinki ko käsittelyn tarkotus oon tyytytetty. Tietoja saapii sen jälkhiin vain kalrata (sutata pois) ko net ei ennää ole tarpheelisia, jos siittä oon erityinen päätös.

Onkos käsittely varma?

Asuntohallinto suojaa henkilötietoja sopevitten organisatuurisitten ja teknisitten varmuustoimitten kautta.  

Asuntohallinossa oon vain henkilöt joilako oon oikeus – ette suorittaa heän tehtäviä - joilako oon saatavuus henkilötiethoin. Tietoja käsitelhään Asuntohallinon sisäsessä it-systeemissä. Henkilötietojaki käsitelhään joskus meän ulkopuolisilta leverantööriltä, johonka kansa kuuluvat maholiset alipiiträätit, jokka varmistavat ette oon asianmukhainen suojataso.

Onkos olemassa kolmasmaanvälitystä?

Päänänsä Asuntohallinto käsittellee vain henkilötietoja EU/EES:issä. Niissä taphauksissa ko kolmasmaanvälitystä tapahtuu niile tehhään tarpheelisia suojatoimintoja.

Kelläs muila oon pääsy tiethoin?

Julkisuusprinsiipin mukhaan Asuntohallinto saattaa tulla jättämhään ulos henkilötietoja, sille joka vaatii ulos ylheistä asiakirjaa.  

Vississä käsittelyissä Asuntohallinto jättää kansa ulos henkilötietoja esimerkiksi muile virastoile, kunnile ja organisasuunile.

Mikkäs oon rekistreeratun oikeuet?

Nämät oon rekistreeratun oikeuet (hänen omile henkilötioile) GDPR:in mukhaan:

• Saaja informasuunia – eri yhtheyksissä ja erilä laila – kunka henkilötietoja hantteerathaan.
• Vaatia informasuunia mitä henkilötietoja käsitelhään (rekisteriote).
• Vaatia ette vääriä henkilötietoja oikasthaan.
• Vaatia ette henkilötietoja sutathaan pois.
• Vaatia ette henkilötioitten käsittelyä rajotethaan.
• Vastustaa henkilötioitten käsittelyä.
• Vaatia ette saaja henkilötietoja välitetyksi (taattaportapiliteetti).
• Valittaa, jos se rekistreerattu tykkää ette Asuntohallinon hantteeraus henkilötioista oon vasten GDPR:iä. Tämä tehhään ruottalaisen valvontaviraston webbipaikala jossako oon lissää informasuunia.

Integritetsskyddsmyndighetens webbplats

Kontaktitietoja

Jos sulla oon kysymyksiä elikkä mielipitheitä Asuntohallinon käsittelystä sinun henkilötioista – elikkä jos sie halvaat käyttää sinun oikeuksia GDPR:in mukhaan – sie saatat ottaa yhtheyttä Asuntohallinon elikkä Asuntohallinon taattasuojeluasiamiehen kansa e-postin kautta.