Asuntohallinosta/Boverket:istä

Asuntohallinto tekkee ensi siassa töitä kysymyksitten kansa jokka koskevat suunittelua, rakentamista ja asumista. Meän työn perusta oon plaani- ja rakentamislaki.  

Asuntohallinto oon hallintovirasto kysymyksille rakenetusta miljööstä, maa- ja vesialuheitten huushollauksesta, fyysisestä suunittelusta, asutuksen, asumisen ja asuntorahotuksen huushollauksen rakentamisesta ja hallinosta. Se merkittee ette met muun muassa

• otama näköselle sääntelyjä ja ohjeita
• otama vastuutta enerkiiteklarasuunitten valvomisesta
• otama vastuutta plaani- ja rakentamislain käyttämisestä
• atministreeraama valtiolista tukea ja avustusta
• tutkima ja analyseeraama kysymyksiä meän toiminta-aluheela.

Asuntohallinto pittää kansa toimia ette tietoa levitethään meän vastuualuheela, seurata miljööpäämäärää God bebyggd miljö/Hyvä rakenettu miljöö ja olla aktiivi kansanvälisessä työssä sektorissa. Plaani- ja rakentamislaki, osat miljööpalkista ja asuntoelatuslaki oon perustat meän työle. Asuntohallinto oon kansa peretskaappivirasto uuessa peretskaappisektorissa teolisuuele, rakentamiselle ja kaupanteole.

Ota yhtheyttä Asuntohallinon kansa

Tervetuloa ottamhaan yhtheyttä Asuntohallinon kansa jos sulla oon kysymyksiä meän vastuualuheesta. Ko oon kyse plaani- ja rakentamislaista ja rakentamissäänöistä sie piät kuitenki usseimiten ottaa yhtheyttä sinun kunnan kansa (ko oon kyse niin ylheisiä kysymyksiä ko yksityisistä asioista). Lääninhallitus hantteeraa osan niistä avustuksista mitä sie saatat hakea meän webbipaikala, ja silloin sie piät ottaa yhtheyttä niitten kansa jos sulla oon kysymyksiä avustuksesta.

E-posti:

registraturen@boverket.se

Telefooni: 0455-35 30 00

Postiosote: Boverket, Box 534, 371 23 Karlskrona

Käyntiosote: Skeppsbrokajen 16, 371 33 Karlskrona

Kartta missä oon Asuntohallinon osote Karlskruunassa (hitta.se)

Väkseli ja vasthaanotto oon auki pyhävaphaina arkipäivinä kello 09:00–12:00 och 13:00–15:00.