Konsultašuvnnat sámi gažaldagaid birra - ollislaš plánen
Njukčamánu 1. b. 2024 rájes galget regiovnnat ja suohkanat geavahit konsultašuvdnalága áššiin mat gusket sámiide (konsultašuvdnaláhka). Konsultašuvdnageatnegasvuohta gusto mearrádusaide main sáhttá leat njuolga mearkkašupmi sámi gillii, kultuvrii, ealáhusvuđđui dahje eamiálbmogiid stáhtusii. Go guoská areálaplánemii, de lea sáhka searvamis prosessii regionála plánaiguin, ollislaš plánaiguin ja detállja muddenplánaiguin.
Mii lea lága ulbmil?
Lága ulbmil lea:
- nannet sámiid váikkuhanfámu áššiin mat erenoamážit gusket sidjiide
- sihkkarastit sápmelaččaid vuoigatvuođa oassálastit mearrádusproseassaide.
Konsultašuvdnaláhka ja dan mearkkašupmi
Konsultašuvnnat sámi ovddasteddjiiguin galget čađahuvvot áššiin mat gustojit regionála plána, ollislaš plána ja bienalaš muddenplána mearrádussii dahje rievdadeapmái. Dál guoská gáibádus ráhkadit regionála plána dušše guovlluide Stockholm, Skåne ja Halland plána- ja huksenlága (PBL) vuođul. Konsultašuvdna PBL mielde galgá nu guhkás go vejolaš oktiiordnejuvvot konsultašuvnnain gustovaš lága mielde. Láhka ii gusto áššiide mat leat álggahuvvon ovdal lága fápmuiboahtima.
Čilgehusat das, ja ovdamearkkat das, maid ráđđádallanláhka mearkkaša gávdnojit Sámedikki neahttasiidduin.
Ráđđádallanortnet Sámedikkiin (Sámedikki neahttasiidduin)
Eambbo dieđuid das mii guoská regiovdnii ja suohkanii, ja makkár áššiide sáhttá guoskat, gávnnat Sámedikki neahttasiidduin.