På Boverket.se används cookies för att webbplatsens funktioner ska visas korrekt. Klicka på "Jag förstår-knappen" för att acceptera att cookies används. Läs mer om Cookies

Gå till sidans meny Gå till sidans innehåll

Kade kerel pe te rodel pe vazdimaski permisia

Kate šaj te ginaves sar kerel pe
kana mangel pe vazdimaski permisia.

1. Puš khatar byggnadsnämnden kana trobuj tut vazdimaski permisia

Te žanes avri
vaj trobuj tut vazdimaski permisia
si te les kontakto kusa byggnadsnämnden ande kodi komuna
khaj o kher si.
Te ghindoja byggnadsnämnden
ke tut trobuj jekh vazdimaski permisia,
atunči si te rodes kodo jekhe mangimasa.

2. Bišav o mangipe kusa sa e kaver dokumentura

Tu rodes mangimasa jekh vazdimaski permisia
khaj byggnadsnämnden ande komuna.
O rodipe si te avel skirisardo.
O rodipe si te inkrel informatsia,
makhimata thaj kaver dokumentura
so trobuj a komuna
te birij te žal maj dur kusa o rodipe thaj te len decizia.

3. Byggnadsnämnden kerel jekh angluno dikhipe

Anglunes kerel byggnadsnämnden jekh kontrola
vaj tut čačimasa trobuj vazdimaski permisia.
Von keren vi kontrola
vaj sa e dokumentrua si andre.

Te si kade ke či bišadan sa dokumentura
mangel byggnadsnämnden tut te
te keres jekh kompletatsia po rodipe,
kodo žnačij ke trobuj te bišaval pe kodol lila so naj.

4. Tu les jekh sertifikatsia ke o lil areslas lende

Kana byggnadsnämnden ghindoj
ke čiro rodipe si gata
atunči bišavel byggnadsnämnden jekh sertifikatsia ke von line sa.
Kadi sertifikatsia inkrel informatsia
sode vrama kado šaja te lel
ži pun byggnadsnämnden lel jekh decizia pa vazdimaski permisia.
Si vi te avel skirisardo sar keres kana či san čalo (apelatsia).

5. Kade bučazij byggnadsnämnden kusa čiro mangipe e pe permisia

Kana rodes vazdimaski permisia
kerel byggnadsnämnden jekh dikhipe
vaj si jekh detaljovo plano
vaj thaj thanenge zakononura
so si pe čiro kher.
Thaj te avla kade ande kadal buča
avla permisia te vazdes opre kodo so kames.

Byggnadsnämnden kerel dikhipe pe kaver buča
te si e kheres jekh laši forma thaj koloro
thaj te žal manušenge so inkren funktsiako handikapo.

Tu si te les e vazdimaski permisiaki decizia
maj palunes 10 kurke pala kodo ke bišadan jekh gata mangipe.

Byggnadsnämnden si univar
te pušel sar eksemplo e manušen so si paša tute thaj organizatsi
so von ghindon pa kodo vazdipe.

6. Byggnadsnämnden lel decizia pa čiri vazdimaski permisia

Kana tu les čiri vazdimaski permisia
len vi kodol so trajin paša tute jekh lil
ke tu lan vazdimaski permisia.
Len si pala kodo trin kurke
te vazden apelatsia pe kodi decizia.

Jekh žanglipe pa decizia
avel andre vi ande gažeta.
Šaj te kerel pe apelatsia pe decizia
jekh kurko pala kodo ke kado avel ande gažeta.

Te si kade ke konik či kerel apelatsia
nakhel e vazdimaski permisia ando zor.
Kodo žnačij ke konik či birij pala kodo te kerel apelatsia.

Te phenla byggnadsnämnden na
pe čiro mangipe pe vazdimaski permisia
biris te keres apelatsia pe decizia khaj länsstyrelsen.
Länsstyrelsen šaj atunči te alosarel
te paruvel komunaki decizia
vaj te phenel na khaj čiri apelatsia.

Čiri vazdimaski permisia agorij pe
te či lan te vazdes opre angla duj berš,
vaj te na agorisardan e buči angla panš berš.

Naštik te les te vazdes opre
ži pun lan jekh startosko atveto khatar byggnadsnämnden.

7. Byggnadsnämnden inkrel jekh teknikno khedipe (samråd)

Kana byggnadsnämnden phendas jo khaj čiri vazdimaski permisia
inkrel byggnadsnämnden butivar jekh khedipe
khaj bušol tekniskt samråd – teknikno khedipe.
Pe kado teknikno khedipe
vorbin tume sar tu si te planulis thaj organizulis e buči.

Te si kade ke či trobuj tumen jekh teknikno khedipe
si byggnadsnämnden te del tut jekh startosko atveto
aba kana tu les jekh decizia pa vazdimaski permisia,
vaj sar maj sigo pala kodo.

8. Tu les jekh startosko atveto

Kana tu les čiro startosko atveto
šaj te vazdes opre.
Te lesa te vazdes opre thaj naj tut startosko atveto
avla tuke musaj te počines jekh počinimasko štrafo.

9. Byggnadsnämnden kerel bučake thanenge viziti

Pala kodo ke lan čiro startoski decizia
si byggnadsnämnden te kerel jekh vizita pe bučako than.
Byggnadsnämnden skrij protokolo khatar e vizita.

10. Byggnadsnämnden inkrel jekh agorutno khedipe

Butivar inkrel byggnadsnämnden jekh agorutno khedipe
kana projekto agorisajlas.
Kodo kerel pe pala kodo
ke sas tume jekh teknikno khedipe maj anglal.

Agorutno khedipe si butivar kote
khaj vazdan opre čiro vazdipe.
Tela agorutno khedipe vorbin tume khetanes pa kodo so sas
sar o vazdipe inkrelas pe pala kontrolosko plano
thaj sar o vazdipe sas inkerdi pala decizi ande startosko atveto.

Byggnadsnämnden dikhel vi perdal
vaj birin te den tut jekh agorutno khedipe.

11. Tu les jekh agorutno atveto

Byggnadsnämnden del tut jekh agorutno atveto
kana sikadan ke
kerdan sa so sas te keres.

Naštik te trajis ande jekh kher
ži pun či lan agorutno atveto.

Tillbaka till toppen